Gisulat ni Rio Manahon • June 23, 2026

Fiction/Literary • Poetry

Ako usa ka pobreng ulitawo
Nahigugma sa usa ka daraga sama nimo
Apan nagduha-duha ako
Kay ako pobre man na pagkatawo.

Akong gi suwayan na ikaw pasabton
Sa gugmang dara-dara ko karun
Apan sa wala pa teka makit-e
Maayo paman to akong kumbati.

Sa dihang ikaw nagdangarang
Mi kurog tibuok ko kalawasan
Naghunhuna nga dili nalang ipadayon
Kay basin ako bastedon mo dayun.

Pero gi-pugos ko ang akong kaugalingon
Akong gugma gipadayon ko’g ingon.
Akong gugma kanimo gihayag
Naghuwat kos dugay mo nga tubag.

Pila ka bulan nga nilabay
Waray paabat, dugay ko naghuwat.
Nakitan teka ni sakay
Sa laing abaga ni akbay.

Hastang sakita sa akong paminaw
Nanirom ang akong panan-aw
Ako kang gi-pangutana
Apan ang tubag mo makawalag ug gana.

Marud nimo na sa ako mutugot ka
Apan pila ka semana nakuha ka’s iba
Matud pa nimo na mas pilion nimo
Tawo nga adunahan ug may motorsiklo.

Diha nasantop ko na ang imong kagwapa
Walay pulos ug puro garbo lamang
Mas importe nimo ang kwarta
Kesa sa tinuod ug pulido na gugma.

---

ABOUT THE AUTHOR