Words by Samantha Radaza • September 17, 2026
Non-fiction • News
Kaniadtong Setyembre 14, daw nalupigan ang “Coca-Colets” (fans) ni Colet Vergara, ang Bol-anon sa P-pop group nga BINI, sa gipost nga birthday greeting World Music Awards alang kaniya, kay mura kini ug essay. Gitawag siya sa WMA nga “vocal crown jewel” sa BINI ug “exceptional soprano.” Gipasidungog siya isip usa sa main vocalist, rapper, ug dancer sa grupo, dungan sa paghisgot sa iyang mga kontribusyon sa mga kanta nila sama sa “Karera,” “Cherry on Top,” ug sa iyang Cebuano rap sa “Bata, Kaya Mo!” Gidayeg usab sa post ang iyang mga personal nga awards ug ang iyang pagkabantog isip usa ka Bisdak icon. Basaha ang tibuok nga post nila sa ubos:
Nagpaabot pud sila ug birthday greeting kang SB19 Pablo. Talk about P-pop Aces! Ang World Music Awards, wala na nakapahigayon ug award ceremony sukad pa niadtong 2014. Apan aduna pa ang ilang opisyal nga website nga na-link gihapon sa ilang verified Facebook ug X accounts, diin sila aktibo nga nagpost og mga birthday tribute ug uban pang digital content para sa mga artista karon.
Sa mismong adlaw sa katawhan ni Colet, nakuratan usab ang Coca-Colets kay mitungha siya sa “Dancing In The Rain,” usa ka pagsaulog ug charity fundraiser nga giorganisa sa iyaha fan group nga “Colet Fan Suporta” sulod sa World Trade Exchange building sa Binondo, Manila. Apil sa mga kalihokan ang acoustic jam session ni Colet sa bantawan; mikanta siya ug mga pop ballad sama sa “Slow Motion” ni Karina Pasian. Nag-duet pud sila Arthur Nery sa “Palayo sa Mundo,” nga originally gikanta ni Nery kauban si Jolianne.
BAHIN SA MANUNULAT
Samantha Claire Lim Radaza is a Cebuano-Agusanon author. She has written several novels such as Rest in Medellin, Drowned in Your Scent, Blinding Lights, Wildfire Games, and Warmth in the Cold. She is also a Model United Nations representative. A few years ago, she won Best Position Paper at the International Peace and Security Model United Nations conference. Apart from writing, she was the manager of Cebuano musician Jimmy Ricks for three years.
Leave a Reply